This page was exported from მარშალპრესი [ http://marshalpress.ge ]
Export date: Mon Jul 24 0:42:50 2017 / +0000 GMT

რუსები ყოველთვის ამბობდნენ, რომ ამ პირობებით ხელშეკრულების გაგრძელებას არ აპირებდნენ - რომან კაკულია




 

ქართული მხარე რუსეთიდან სომხეთში გაზის ტრანზიტის საფასურის გადახდის ფორმასთან დაკავშირებით „გაზპრომ ექსპორტის“ მოთხოვნას დათანხმდა. კერძოდ, საქართველო სომხეთში ბუნებრივი აირის ტრანზიტის სანაცვლოდ „გაზპრომისგან“ ფულად ანაზღაურებას მიიღებს. ახალი ხელშეკრულება ორწლიანი იქნება, რომლის თანახმად, პირველ წელს ნაწილობრივ ისევ რჩება ნედლეულით ანაზღაურების ფორმა, ხოლო შემდგომი წლიდან ფულადი ანგარიშსწორება გაგრძელდება.

 

თემაზე პარლამენტის დარგობრივი ეკონომიკის კომიტეტის თავმჯდომარე რომან კაკულიამ ტელეკომპანია "რუსთავი 2"-თან საუბრობს:

 

"ჩვენთვის დივერსიფიცირება, რომელიც გაზის მოწოდებასთან არის დაკავშირებული, მნიშვნელოვანი თემაა. ამას პოზიტიურად ვუყურებ. დამოკიდებულების გაზრდა არ მომხდარა, როგორც გაჟღერდა ოპოზიციური ფლანგის მხრიდან. დრამატიზირებულ ფორმაში წარმოჩენა, ქართული ოპოზიციური აზროვნების დამახასიათებელი თემაა და ახლაც, ამასთან გვაქვს საქმე.

ჯერ ერთი, ხელშეკრულებას ვადა ამოეწურა. რუსები ყოველთვის ამბობდნენ, რომ ამ პირობებით ხელშეკრულების გაგრძელებას არ აპირებდნენ და ეს იმას ნიშნავს, რომ ჩვენთვის დიდი არჩევანი არ იყო. ეს იყო საკმაოდ პოზიტიურად წარმართული საუბარი და ხელშეკრულების დასრულება. ხდებოდა სხვადასხვა დეტალების დასრულება.

შარშან სხვა მოლაპარაკება შევძელით, წელს თუ ეს არ გამოვიდა, ნიშნავს იმას, რომ მათ თავიანთი პოზიცია აქვთ. ყველაფერი გაკეთდა ამასთან დაკავშირებით. როცა არ გეთანხმება, რომ მოგცემს გაზს ნატურალურად და მოთხოვნაა მოხდეს გადახდა, კარგ ფასზე შეთანხმება მიღწეულია. რაოდენობა არ გაზრდილა. ყოველთვის შეიძლება წარმოიდგინო საუკეთესო. რომ ეჩუქებინათ უკეთესი იქნებოდა, მაგრამ მივაღწიეთ იმას, რაც შესაძლებელი იყო.

რუსეთს ჩვენ ვერ შევცვლით. ეკონომიკური თემებია, რა საკითხებსაც განვიხილავთ, პრაგმატული პოლიტიკიდან გამომდინარე", - განაცხადა რომან კაკულიამ.

 

http://marshalpress.ge/archives/81050

 

 

 


Post date: 2017-01-11 18:15:53
Post date GMT: 2017-01-11 14:15:53
Post modified date: 2017-01-11 18:19:41
Post modified date GMT: 2017-01-11 14:19:41

Powered by [ Universal Post Manager ] plugin. MS Word saving format developed by gVectors Team www.gVectors.com